YARAT MÜASİR İNCƏSƏNƏT MƏKANI
YARAT TƏHSİL / FİLM KLUB
TİNATİN GURCİANİ
“HƏR ŞEYİ QEYB EDƏN MAŞIN” FİLMİN NÜMAYİŞİ
23 iyun 2015-ci il
YARAT MÜASİR İNCƏSƏNƏT MƏRKƏZİ, ÇÖXTƏYİNATLI ZAL

YARAT Müasir İncəsənət Mərkəzi “Hər şeyi qeyb edən maşın” filminin nümayişini təqdim edir. Filmin ssenari müəllifi və rejissoru Tinatin Gurcianidir. Filmin nümayişi YARAT Film Klubun fəaliyyəti çərçivəsində təşkil olunur. Film Klubun məqsədi – müasir incəsənətə aid video və kino filmlərinin nümayişi və müzakirəsi üçün qeyri-formal görüş yeri olmaqdır.
“Hər şeyi qeyb edən maşın” (97 dəq.) 2012-ci ilin sənədli filmidir. Ssenarisinin yazılışı və filmin quruluşu böyük məharətlə Tinatin Gurciani tərəfindən həyata keçirilmişdir. Bu ekran əsəri ilə Gurciani doğma diyarı Gürcüstanda boya-başa çatması haqqında bir film yaratmaq, ümumi sosial və etnik cizgiləri tapmaq istəmişdir.
Filmin qəhrəmanı bir qadın-rejissordur. O, aktyor seçimi keçirəcəyi barədə elan yayır – 15-23 yaşlı gəncləri kastinqa dəvət edir. Yolunu şəhər və kəndlərdən salaraq, o, elana maraq göstərmiş namizədlərlə görüşür, onlarla müsahibə keçirir, gündəlik həyatlarını lentə alır. Elanı oxuyub kastinqa gələn qızlar və oğlanlar bir birindən kəskin surətdə fərqlənir, elə onların dinləməyə gəlməklərinin şəxsi səbəbləri kimi. Bəziləri kino ulduzu olmaq istəyirlər və filmə çəkilmək təklifini bu arzuya yol açan bir vasitə kimi görürlər; bəziləri isə öz şəxsi hekayətini paylaşmaq istəyirlər. Bir qız onu atıb getmiş anasını bu əməlinə peşman etmək istəyir; bir oğlan öz əlil ailə üzvlərinə necə qulluq etdiyindən danışır; başqa birisi qazamatda yatan məhbus qardaşına bəraət qazandırıb, ləkələnmiş adını təmiz etməyə çalışır. Birlikdə isə onların nitqləri bir-birinin ardı olaraq, müharibə və eşq, zənginlik və yoxsulluq kimi təsvirlərin qarışıq kaleydoskopunu təşkil edir, müasir cəmiyyətin son dərəcə mürəkkəb, indiyə kimi Sovet keçmişinin izlərini büruzə verən mənzərəsini yaradır.
Film Beynəlxalq Sandens Kinofestivalının “Ən yaxşı rejissor işi” mükafatını, Hot Docs Festivalının rejissor mükafatını, Braziliyada It’s All True festivalının “Ən yaxşı sənədli film” mükafatını, Sofiya Beynəlxalq Kinofestivalının “Ən yaxşı sənədli film” mükafatını və s. təltif və mükafatlar qazanmışdır.
Rejissorun bioqrafiyası
Tinatin Gurciani Tbilisidə (Gürcüstan) anadan olub, Tbilisi Dövlət Universitetində rəngkarlıq və fəlsəfə üzrə təhsil alıb, sonra təhsilini Almaniya və Avstriyada psixologiya üzrə davam etdirib və 2010-cu ildə fərqlənmə diplomu ilə təhsilini bitirib. Babelsberqdə (Almaniya) Konrad Volf (HFF) adına Kino Universitetində rejissorluq üzrə təhsil alıb və 2010-cu ildə həmin universiteti fərqlənmə diplomu ilə bitirib. İlk bədii filmi olan “Hər şeyi qeyb edən maşın” ona Beynəlxalq Sandens Kinofestivalının “Ən yaxşı rejissor işi” mükafatını gətirdi.

________________________________________
Film gürcü dilində nümayiş etdiriləcək, ingilis dilində altyazıları olacaq.________________________________________
23 iyun 2015-ci il
Saat 19:00-da
YARAT Müasir İncəsənət Mərkəzi (Dövlət Bayrağı meydanı yaxınlığında)
Giriş sərbəstdir


********

THE MACHINE WHICH MAKES EVERYTHING DISAPPEAR
YARAT Contemporary Art Centre is delighted to invite you to the screening of “THE MACHINE WHICH MAKES EVERYTHING DISAPPEAR”, a film written and directed by Tinatin Gurchiani. The screening will be organized as a part of YARAT Film Club which aims to become an informal meeting point for the viewing and discussion of contemporary art videos and films.
THE MACHINE WHICH MAKES EVERYTHING DISAPPEAR (97 min.) is a 2012 documentary film brilliantly written and directed by Tinatin Gurchiani who wants to make a film about growing up in her home country, Georgia, and find commonalities across social and ethnic lines.
A filmmaker puts out a casting call for young adults, aged 15- to 23. She travels through cities and villages interviewing the candidates who responded and filming their daily lives. The boys and girls who responded to the call are radically different from one another, as are their personal reasons for auditioning. Some want be movie stars and see the film as a means to that end; others want to tell their personal story. One girl wants to call to account the mother who abandoned her; one boy wants to share the experience of caring for his handicapped family members; another wants to clear the name of a brother, currently serving a jail sentence. Together, their tales weave a kaleidoscopic tapestry of war and love, wealth and poverty, creating an extraordinarily complex vision of a modern society that still echoes with its Soviet past.
The film received a Directing Award at Sundance Film Festival, Filmmakers Award Hot Docs, Best Documentary It’s All True Brazil, Best Documentary Sofia International Film Festival etc.
The film will be shown in Georgian with English subtitles.
June 23, 2015
Time 19.00
YARAT Contemporary Art Centre (near the National Flag square)
Free admission